.jpg)
Date : 26/10/2020
इंटेलिजंट कॉम्प्युटिंग व क्रिकेट
सेलफोन, जीपीएस, इंटरनेट आणि नॅनो ऊर्फ सूक्ष्म तंत्रज्ञान यांच्या संगमातून निर्माण झालेल्या यंत्रणेला इंटेलिजंट कॉम्प्युटिंगअसे म्हटले जाते. इंटरनेट ऑफ थिंग्ज(IOT) व कृत्रिम बुद्धिमत्ता या तंत्रांचा वापर करुन दैनंदिन वापरातल्या प्रत्येक वस्तूमध्ये एक टॅग बसवतात. या टॅगमुळे म्हणजेच ओळख-पडताळणी यंत्रणेद्वारे निर्जीव वस्तूंनाही मर्यादित बुद्धिमत्ता प्रदान करणे शक्य होते.
कृत्रिम बुद्धिमत्ता व इतर आधुनिक तंत्र क्रिकेट खेळात अग्रेसर आहे. स्कोअरबोर्ड, प्रसारण, हॉक आय, रिप्ले, संख्या शास्त्र अशी अनेक तंत्रे क्रिकेटमध्ये शिरली आहेत. अनिल कुंबळे यांनी स्थापन केलेल्या स्टार्टअप स्पेकटाकॉम ने यासाठी एक तंत्र निवडले. ही कंपनी मूलत: क्रिकेटमधील विज्ञान समजून घेण्यासाठी एआय आणि इतर अत्याधुनिक तंत्रज्ञान वापरते. यासाठी पॉवर बॅट विकसित केली. त्यात असलेला 5 ग्रॅमचा स्टिकर क्रिकेट बॅटला जोडता य्रतो.
1. स्टंप बॉक्स गेटवे म्हणून काम करतो. पॉवर बॅटमधील मायक्रोप्रोसेसर तंत्रज्ञानावर चालणार्या टॅग्ज अतिशय सूक्ष्म असतात. त्या उपग्रहीय संदेश स्वीकारू आणि प्रसारित करू शकतात. विविध प्रकारची माहिती त्यामुळे रिअल टाईम तत्त्वावर निर्माण होते व ती क्लाऊडवर साठवली जाते. या स्टिकर-चिपवरील डेटा नंतर स्टंप बॉक्समध्ये प्रक्षेपित होतो आणि नंतर त्यावर प्रक्रिया केली जाते.
2. डेटा शॉटस्चे विश्लेषण करण्यात आणि मोजण्यायोग्य पॅरामीटर्समध्ये तोडण्यात देखील हे विश्लेषण मदत करू शकते. त्यातून अनेक विश्लेषणाचे अल्गोरिथम विकसित होते. कृत्रिम बुद्धिमत्तेच्या वापरामुळे फलंदाजीची शैली, फटक्यांचा ताळमेळ व त्याचे टायमिंग आणि शक्ती यावर प्रकाश टाकता येतो. या चिपमध्ये एक वायरलेस चार्जर आहे आणि एकाच चार्जमध्ये 700 पेक्षा जास्त क्रिकेट शॉटस्वर कार्य करू शकते. फलंदाजीच्या शैलीनुसार आतील किंवा बाहेरील काठावर बॅटच्या वरच्या बाजूला हे उपकरण ठेवलेले असते. सराव किंवा कोचिंग दरम्यान हे सर्व डेटा मोबाईल अॅपद्वारे पाहिले जाऊ शकते.
3. 2019 तामिळनाडू प्रीमियर लीगमधील काही संघ आणि खेळाडूंनी हे उत्पादन वापरले होते. खेळाडू आणि संघाच्या द़ृष्टिकोनातून, फलंदाज आणि गोलंदाजांचे सामर्थ्य आणि कमकुवतपणा समजून घेण्यास मदत करू शकते, तंत्राद्वारे समस्या ओळखण्यास त्यांना मदत करू शकते.
7. जेव्हा फलंदाजांना वेगवेगळ्या वेगवान गोलंदाजांचा सामना करावा लागतो, तेव्हा त्याला कसे सामोरे जायचे याची पूर्ण मानसिक तयारी त्याच्या इतिहासावरून फलंदाज करू शकतो. खेळाडू आणि संघाच्या द़ृष्टिकोनातून हे तंत्र फलंदाज आणि गोलंदाजांचे सामर्थ्य व कमकुवतपणा समजून घेण्यास मदत करू शकते.
